Taula d’Entitats del Tercer Sector Social de Catalunya-ren eta Sareen Sarea-ren arteko topaketaren baitan, bi sareek lan-saio bat egin zuten We DOimpact jardunaldiaren aurretik. Saio horretan Hirekin-ek ere parte hartu zuen, sareen arteko truke-gunearen barruan.
Saioak aukera eman zuen bi lurraldeetan Hirugarren Sektore Sozialerako funtsezkoak diren esparruetan egindako aurrerapenak ezagutzeko eta alderatzeko, hala nola gizarte-zerbitzuetan, erakundeen jasangarritasunean, digitalizazioan eta arau-esparruetan. Topaketak, halaber, partekatutako erronkak identifikatzeko eta gizarte-inpaktuaren ebaluazioaren eta kudeaketaren inguruko lankidetza-ildoak indartzeko balio izan zuen.
Programak berrikuntzari, nazioartekotzeari eta inpaktuaren neurketari eskainitako guneak ere barne hartu zituen. Era berean, Hirugarren Sektoreari berari zuzendutako atal bat garatu zen, non gai arauemaile nagusiak aztertu ziren, hala nola Hirugarren Sektorearen Legea, Laguntza Plana, Gizarte Itunaren Legea eta gobernantza-ereduak.
Topaketak sareen arteko elkar-ezagutza indartzeko eta agenda partekatu batean aurrera egiteko aukera eman zuen, bi lurraldeetako erronka sozial eta antolakuntzako nagusien aurrean Hirugarren Sektore Sozialaren rola sendotze aldera.