Euskadiko Hirugarren Sektore Sozialaren Behatokiak ekainaren 19an aurkeztu zituen Euskadiko Hirugarren Sektore Sozialaren 2025eko Barometroaren emaitzak, Gasteizko Europa Jauregiko Gasteiz Aretoan. Bi urtez behin argitaratzen den txosten honek, 2019az geroztik, euskal gizarte-erakundeen eta sareen egoerari buruzko informazio eguneratua eskaintzen du.
Barometroak sektorearen errealitatea aztertzen du hainbat dimentsiotan: identitatea, jarduera, pertsonak, baliabide ekonomikoak, kudeaketa eta komunikazio estrategiak, harreman sareak eta etorkizuneko erronkak. Gainera, azken hamarkadako bilakaera eta joerak ezagutzeko datu konparatiboak ere jasotzen ditu.
Aurtengo berrikuntza nagusia belaunaldi arteko bizikidetzari eta errelebo generazionalari buruzko azterketa espezifikoa izan da. Txostenak erakundeen adin-egiturari, belaunaldien arteko ezagutzaren transmisioari eta arlo horretan antzemandako erronkei eta aukerei buruzko informazio berria eskaintzen du.
Jardunaldian, halaber, Gorabide, Gurutze Gorria eta Grupo Bogan erakundeetako ordezkarien parte-hartzea izan zuen mahai-ingurua egin zen, belaunaldi arteko kudeaketaren eta errelebo prozesuen inguruko esperientziak eta jardunbide egokiak partekatzeko.
Informazio gehiago irakurri: https://share.google/ndPHtXK7cBGxasmjB