Joan den irailaren 29an, HIREKINeko ordezkariek bilera bat egin zuten Eusko Jaurlaritzako Enplegu eta Gizarteratze Sailburuordetzarekin eta Lanbide-Euskal Enplegu Zerbitzuarekin, lankidetza eta elkarrizketa indartzen jarraitzeko.
Bileran parte hartu zuten Alfonso Gurpegui Enplegu eta Gizarteratze sailburuordeak, Francisco Pedraza Lanbideko zuzendariak, Arantza Martínez Enpleguko zuzendariak eta Arantxa Niño Lanbideko Enplegu eta Prestakuntzako zuzendariak, HIREKIN sareko ordezkariekin batera.
Funtsezko gaiak jorratu ziren, hala nola Enpleguaren Euskal Estrategia, Lanbide Heziketa Antolatzeko eta Integratzeko Lege Organikoaren garapena, eta abian diren laguntzen deialdien jarraipena.
HIREKINek azpimarratu zuen oso garrantzitsua dela egoera ahulean dauden pertsonen eta enplegu inklusiboaren eremuan modu aktiboan lan egiten duten gizarte-erakundeen premiak txertatzea. Era berean, legezko eta antolakuntzako formulak aztertu ziren, alderdien arteko harremana bideratu eta sendotzeko, eta orain arteko lankidetza-, koordinazio- eta kontraste-bideak indartzeko.
Topaketa hau beste urrats bat da konpromiso partekatuan