Kontatuko diguzue nola sortu zen erakundea eta zer ibilbide egin duen urte hauetan zehar?
Amigó Fundazioa Madrilen sortu zen 1996an, Aita Luís Amigok sortutako Kaputxinoen Hirugarren Mailako Erlijiosoen Misioarekin jarraitzeko. Irabazi-asmorik gabeko erakundea da, eta egoera ahulean dauden haur eta gazteei eta haien familiei arreta eta babesa ematen die, bai eta baztertutako pertsonen eta pertsona ahulen eraldaketa soziala eta pertsonala ere.
Gaur egun, Galizian, Kantabrian, Euskadin, Madrilen, Valentzian, Aragoin, Nafarroan, Gaztela-Mantxan eta Andaluzian dago. Eta nazioartean, Boli Kostan eta Polonian. 600 langile baino
gehiago ditu
Gizarte- eta hezkuntza-arloko esku-hartze proiektuak, nazioarteko lankidetza, garapenerako hezkuntza eta prestakuntza eta ikerketa garatzen ditugu.
Euskadin, 2007an gaude, baina Kongregazioak s.XX hasieratik du presentzia, Amurrioko erreformatorio zaharraren kudeaketarekin, eta, gero, Saltillo Etxea eta Zabaloetxe Egoitza.
Gaur egun, zein proiektu ari zarete garatzen?
Gaur egun, Bizkaian 7 proiektu garatzen ditugu. 1 egoitza harrerako oinarrizko sarean. 3 egoitza harrerako sare espezializatuan. Batek seme-alaben eta gurasoen arteko indarkeria-arazoak dituzten familiak artatzen ditu; beste batek, berriz, adopzio-prozesuan zailtasunak dituzten adingabeak eta familiak artatzen ditu; eta beste batek, berriz, jokabide-arazoak dituzten adingabeak. Eta bakarrik dauden adingabeak arduratzen den emantzipaziorako prestaketa-sarean.
Gainera, Elkarrekin Bizitzeko Proiektua dugu. Proiektu horretan, seme-alaben eta gurasoen arteko indarkeria-arazoak dituzten familiei laguntzen diegu, arlo klinikotik eta asistentziatik. Eta emantzipazioari laguntzeko programa bat, gazteei hiru etxebizitzatan laguntzeko. Biak ekimen pribatukoak.
Zer erronka nagusi identifikatzen dituzue epe labur-ertainean (5 urte)?
Epe motzera, gure erronka nagusia da haur eta gazte ahulen arazoari ekiteko konpromisoa hartzen jarraitzea, erantzun berritzaileak eta sormenezkoak ematen saiatuz. Horretarako, ezinbestekoa da gure proiektu nagusien jasangarritasun ekonomikoa bermatzea.
Zer ekarpen egiten dizue Gizardatz programan parte hartzeak?
Gizardatz programako kide izateak, funtsean, hirugarren sektoreko erakunde gisa ditugun interesak ordezkatzen dituen erakunde bateko kide izatea, aholkularitza ematea eta informazio eguneratua eskuratzea, eta kideen interes komunak lortzeko sinergiak ahalbidetzen dituen sare profesional batean parte hartzea eskaintzen digu.