MECUIDA Plana alarma-egoera indarrean zegoela sortu zen, eta irailaren 30era arte luzatuko da, besteen kontura lanean diharduten langileek euren lanaldia moldatzen jarraitzeko edo lanaldia % 100era arte murriztea eskatzeko, Langileen Estatutuak 37.6 artikuluan ezarritako betebeharrekin bat etorriz, krisiaren ondorioz kontziliazio- eta zaintza-beharrak egiaztatzen badira.
Murrizketa enpresari 24 ordu lehenago jakinaraziko zaio, eta neurri hori hartzea arrazoiz eta proportzioz justifikatu beharko da, enpresaren egoera aintzat hartuta.
Langilea dagoeneko eskubide hori edo kontziliatzeko bestelakoren bat erabiltzen ari bada, aldi batean uko egin diezaioke edo baldintzak aldatzeko aukera izan dezake, baldin eta salbuespenezko inguruabarrak ematen badira. Hala, krisia amaitzen denean, jatorrizko egoerara itzuliko da.